Kirkjuþing

Marínó Þorsteinsson flutti álit löggjafarnefndar um tillögu að starfsreglum um breyting á starfsreglum um presta nr. 735/1998. Nefndin lagði fram eftirfarandi breytingartillögu:

1. gr. tillögunnar orðist svo:

Við 1. gr. starfsreglnanna bætist ný 2. mgr. sem hljóðar svo:
Að jafnaði skal litið til þess, við skipun í embætti, að þrír mánuðir líði frá því að prestur er valinn til starfa þar til hann tekur við embætti, nema ef óskað er að fardagar séu virtir eða samkomulag náist um annað.

2. gr. tillögunnar orðist svo:
Starfsreglur þessar sem settar eru með heimild í 59. gr. laga um stöðu, stjórn og starfshætti þjóðkirkjunnar nr. 78/1997 öðlast gildi 1. janúar árið 2010.

Tillagan var samþykkt.