Kirkjuþing

Bjarni Grímsson flutti álit fjárhagsnefndar um 15. mál Tillögu til þingsályktunar um kaup og sölu fasteigna.
Stærstu breytingarnar voru að fyrirsögn I. liðar verði svohljóðandi: Kirkjuþing 2009 heimilar kaup kirkjumálasjóðs á eftirtöldum fasteignum.
Að sama skapi verður fyrirsögn II. liðar:
Kirkjuþing 2009 heimilar sölu kirkjumálasjóðs á eftirtöldum fasteignum.
Framsögumaður ítrekaði að hér væri verið að veita heimildir um sölu, ekki að verið væri að ganga frá kauptilboðum.
Í umræðu var tekið undir að þetta væri til bóta en bent á að fljótt gengi á jarðir kirkjunnar ef seldar væru allar þær sem hér er heimilt að selja.

Lagt er til að 5. liður í II. kafla falli brott. Hann varðar tíu hektara landspildu úr landi prestssetursjarðarinnar Breiðabólsstaðar, Rangárvallaprófastsdæmi.

Nýr 5. liður varði Árnes I í Trékyllisvík á Ströndum, Húnavatnsprófastsdæmi og nýr 6. liður verði Háls II, Þingeyjarprófastsdæmi.

Samþykkt.