Kirkjuþing

Framsögu um 5. mál, Nefndarálit um áfangaskýrslu um heildarskipan þjónustu þjóðkirkjunnar, hafði sr. Leifur Ragnar Jónsson.

Í þingsályktun er kirkjuráði falið að vinna áfram að þessu máli og taka aukið tillit til ólíkra aðstæðna í dreifbýli og þéttbýli. Áfram verði mótaðar tillögur um samstarfssvæði með tilliti til framtiðarskipunar sókna, prestakalla og prófastsdæma.

Einnig verði gerð tillaga um starfsmannahald í sóknum og í sérþjónustu, um presta, djákna, organista og starfsfólk í barna- og æskulýðsstarfi, að höfðu samráði við þar að lútandi aðila.

Gunnlaugur kom með breytingartillögu sem viðbót við síðustu málsgrein þannig að hún hljóði svo:

Einnig verði gerð tillaga um skipulag og þjónustu á vegum stjórnsýslu og einstakra verkefna á sviði hennar á biskupsstofu, um starfsmannahald í sóknum og í sérþjónustu, um presta, djákna, organista og starfsfólk í barna- og æskulýðsstarfi, að höfðu samráði við þar að lútandi aðila.
Samþykkt með 10 greiddum atkvæðum.

Tillagan var svo samþykkt í heild sinni.