Kirkjuþing

Í ályktun við skýrslu kirkjuráðs sem var samþykkt á kirkjuþingi í dag þakkaði þingið biskupi Íslands fyrir að hafa „í embætti sínu unnið með heill og hag kirkju Krists í huga og mótað kirkju síns tíma.“ Þingið skoraði jafnframt á Alþingi að hafa ákvæði um íslenska þjóðkirkju í frumvarpi til nýrrar stjórnarskrár.

Sr. Jón Aðalsteinn Baldvinsson, vígslubiskup á Hólum, tilkynnti við lok kirkjuþings að hann hygðist láta af störfum á næsta ári. Hann gerir ráð fyrir að nýr vígslubiskup verði vígður á Hólahátíð í ágúst 2012.

Þá erum við komin að leiðarlokum í þessari lotu sem hefur í senn verið krefjandi og gefandi. Sú hugsun verður æ áleitnari að kirkjuþing þurfi að koma saman oftar en einu sinni á ári til þess að geta í raun gegnt því mikilsverða hlutverki að fara með æðsta vald í málefnum þjóðkirkjunnar.

Leikmenn verða meirihluti kjörmanna í biskupskjöri samkvæmt nýjum starfsreglum sem samþykktar voru á lokadegi kirkjuþings í dag. Samþykkt var að allir formenn sóknarnefnda hafi kosning og að auki varaformenn sóknarnefnda í Kjalarnessprófastsdæmi og Reykjavíkurprófastsdæmum eystra og vestra.

Leikmenn verða í meirihluta kjörmanna til biskupsembættis samkvæmt nýjum starfsreglum sem samþykktar voru á lokadegi þingsins. Samþykkt var að allir formenn sóknarnefnda og varaformenn sóknarnefnda í Kjalarnessprófastsdæmi og Reykjavíkurprófastsdæmum eystra og vestra.

Á 10. þingfundi var tekist á um tillögu að starfsreglum fyrir biskupskosningar. Fundarhlé var gert kl. 12.05 og fer atkvæðagreiðsla fram er þingfundur hefst að nýju.

Níu mál samþykkt á níunda þingfundi sem hófst kl. 9.00 á lokadegi kirkjuþings.

Tíu mál voru afgreidd á 8. þingfundi.

Ágreiningur um tillögu að starfsreglum um kosningu biskups Íslands og vígslubiskupa. Löggjafarnefnd lagði fram nokkrar breytingar við fyrirliggjandi tillögur.

7. þingfundur hófst kl. 15.00. Sex mál voru afgreidd.

Ellefu mál lágu fyrir 6. þingfundi sem hófst kl. 13.

Aðeins ein fyrirspurn barst, frá sr.Baldri Kristjánssyni, og varðaði hún prestsembætti í sameinuðu Bjarnarnesprestakalli. Fyrir kirkjuþingi liggur bréf frá sóknarpresti sem starfar einn í þessu víðfeðma prestakalli.

Gunnlaugur Stefánsson mælti fyrir 34. máli, Tillögu að starfsreglum um breyting á starfsreglum um rekstrarkostnað prestsembætta og vegna prófastsstarfa nr. 819/1999

Solveig Lára Guðmundsdóttir flutti 33. mál, Tillaga til þingsályktunar um skipulagningu íbúabyggðar í landi Háls í Fnjóskadal.Arði sem af slíku myndi hljótast yrði varið til uppbyggingar Kirkjumiðstöðvarinnar við Vestmannsvatn.

Tillaga um samskiptastefnu þjóðkirkjunnar var lögð fram á kirkjuþingi í dag. Karl Sigurbjörnsson, biskup Íslands, mælti fyrir stefnunni. Í stefnunni kemur fram sýn á þjóðkirkjuna sem lifandi hreyfingu fólks sem á samleið í trúnni á Jesú Krist, sem vettvang samtals um trú og lífsgildi, sem nærverandi og opna kirkju sem sem hvílir á stoðum trúar, hugrekkis og vonar og gefur fólki færi á að íhuga og iðka trú.